巴克萊亞洲錦標賽 Day 1

經過咗一晚開心愉快及成晚流汗嘅一夜。

被無數嘅熱情利記粉絲包圍著,再加上只隔一條梯級嘅老外樸茨茅夫超級無敵死硬派粉絲,全場氣氛簡直High到爆!

現場睇波,最正嘅當然係氣氛啦!有時候睇波反而係其次。現場看到踢英超的球員,技術及走位的確同香港嘅高2班,更係球迷嘅一種享受。很期望星期五早D來臨~~~~

講番這次的另外一個目的,影相。一如估計,快門要較至1/400秒,由於筆者本身支70-300嘅最大光圈不是去到2.8那級數,所以雖有推高ISO至800,甚至1600,影像才算過得去,即使雜迅多了也沒辦法。另外,用連影功能就更少不了,在相機開機關槍的過程中,影到滿意作法的機會也較大!

這次發覺難度的確比上次鄭秀文演唱會高好多!最主要係球員係會不停咁走動,皮球更加唔會停死係一個位置,影相嘅人要隨時轉移鏡頭,來捕捉想影嘅影像。正因為咁,對自動對焦嘅性能相對較高,很容易出現對錯焦嘅情況。

以上種種問題,當然可以以更高性能的器材去改善,一支恆定大光圈鏡頭,一部連影性能可與1D Mark III可以一秒影十張相比的怪獸,但樣樣都係$$,要買齊不是講就得。

技術去填部份補器材上的不足。技術,是用$$都買唔到!筆者亦承認,先進的器材可以給攝影者影到靚相嘅機會大好多,但在有限的資源下,用本身的技術及器材的性能盡發揮出來,滿足感可能更大吧!

當然,筆者不是批評擁有著貴價器材的同好。各有各所好,各有各所求,更何況貴價器材它的功能是有它的存在價值,分別只是用者懂不懂去用。

後記:發覺其實睇波同影相係唔可以同一時間進行嘅!睇得波,就影唔到相;影到相,又睇唔到波!





































No comments:

Post a Comment