這陣子很喜歡找出自己的收藏品出來，上至貼紙集圖冊，下至電影，足球票尾亦是！自己真的變了老人家嗎？有點吧！！！
其實還有好多，不過遺失了，好像是當年有林巴度，古烈治在陣的森多利亞、阿仙奴，熱刺．．．．多不勝數！
原來私儲埋儲埋咁多唔等駛嘅嘢！！成個阿伯咁！
呢次好開心，咁大個仔第一次現場睇曼聯！你睇！第東看台５行都係三百八！抵到爛～～
呢次又冇碧咸～～～唔開心！！不過父子樂！同老豆一齊睇，仲係佢比錢！！
剛巧對上一次去大球場又係睇利記，其實我先係利記臥底！
第一次去小西灣睇波，終於知道香港球迷同大陸球迷嘅分別，就係唔識唱國歌同識唱國歌！
嘩！快活谷對少林寺嘅聯賽，仲記得同Ｄ阿伯咁爆粗，好過癮！！！
第一次去旺角場睇波，座到八月十五都痛！！！
０２年的書展入場卷，吓！乜我呢年去過咩？我真係唔記得啦！！
０７年新鮮出爐的票尾，唔駛錢！
No comments:
Post a Comment