Bye Bye E398


Mo記的E398是我的04年生日禮物,亦是我地一班朋友開始玩抽獎遊戲的第一次,雖然不是的心頭好,但我亦欣然接受它,畢竟這是魔童所寫的,亦是眾朋友贈科水的。


image

06年的聖誕日,終於到了它退役之期,換上的,就是Nokia的N80。

這年半間,從它殘破的身軀,可看出我是多麼的「善待」它。就為了紀念E398這段日子的功勞,就為你拍張道別照吧!Bye~~~~


image


讓人反白的單眼反白機


這是「二奶進修班
」的第二部。

承上回與朋友S一起報讀二奶進修班,不經不覺便到了開課的大日子。筆者本打算只以自己的S80作學習「花式」之用,萬料不到在此時卻一部300D「單眼反白機」會空降於你面前。在反白機的市場裡,300D雖不是頂級,但對我這種剛起燒的二奶愛好者來說,這已是如獲至寶。一部反白雖價談不上價值連城,但亦平不到那裡,能慷慨地借出它,不得不以熱烈嘅掌聲向這次的贊助商「毒王」致謝。

有了「利其器」這個動作後,「攻慾善其事」就不是問題了。當手拿著300D操控時,竟發覺好像開始起燒,還一次比一次嚴重。大獲!!莫非我中毒加發燒???


image




http://www.canon.com.hk/tc/consumer/product/ProductDetail.aspx?product_id=124&series_id=15

有抽濕機的日子


12月17日係朋友S嘅牛一之喜。 不少識我嘅人都知,我同我班中學死黨嘅生日聚會,係有互送禮物呢個環節。當然,我地唔會齋送禮物咁簡單,梗會加插一D別開生面嘅元素喺裡頭。

係咩?

就係抽禮物!!

點抽?

每人將心目中一份禮物寫低喺張紙仔度,摺埋佢,仲要唔可以比其他人知道你寫D乜。收集後,下次生日嗰位就隨意抽一張。唔好以為好簡單,個遊戲規則係未到頒獎一刻,收禮物嗰位係唔會知道自己會收到乜。唔單只咁,我地仲加插咗一份「鮮花加果籃」特別大獎,如果「幸運地」抽中,咁就會於生日當天收到這份驚喜。女仔收到就冇所謂,但如果比我地呢班堂堂男子抽中,要親自將佢由公司個接待處拎入自己個位度,途中會受到幾多對眼睛嘅注視,幾多驚訝的表情,想起也心有餘悸...

幸好這情況並冇喺我身上發生,真的要感謝神恩。

講番本篇的主角朋友S,當佢抽出其中一張紙仔,及後眾人打開來一睇,反應只有一個,係笑,應該係大笑。仲要係笑到眼淚水都出埋嗰隻。原因係紙上清清楚楚地寫著抽.濕.機三字!!!朋友S對不起,搞到那時候的妳異常無奈。真係冇計,呢D都只係自然反應。

最後,這位朋友S亦在生日當天,喺一片歡笑之中接過這份生日禮物。自此有一了一份令家居既乾爽又可愛的抽濕機。

大家亦為這位拖住「Hello Kitty抽濕機的電波少女」而開心呢~~~!!!


image



請放心,我冇事!!


在我呢30年人生裡頭,呢兩日係最多人問我「你冇嘢嘛?」嘅日子。

我想我大概沒事吧!多謝各位同僚嘅關心,我唔係以前孩子氣嘅我了,呢D事我是能夠應付,能夠面對的。呢次失敗可算得乜,我其中一句格言「一日未埋單,點知自己輸定嬴。」

知道了結果,對我當然是好事。了結咗呢件事,起碼唔駛成日心掛掛,好讓自己盤算下一部棋要點下。

努力吧!!!!!


落選佳麗


剛過去的7day,工作的表現確實有少許失準。不過,相信得知評審委員的決定後,混亂的心情可真平伏不少,但請容許我那歷時約半小時的失落,因為我落選了。

我曾經講過:「得唔得都好唔緊要,最緊要係有個結果。」雖然真係咁講過,但係事實歸事實,事實我真係有小小失落。可能被身邊眾好友的意見影響,連我也認為自己真係頂頭大熱。大家可能唔記得大熱亦有倒灶的一天吧...

當然,我都要恭喜嗰位「得獎佳麗」,仲係衷心嗰隻,都係老土嗰句:「比心機呀!」

最後,我梗唔會唔記得特別鳴謝各方好友,特別係請我食安慰Tea嘅「嗰位」同僚,銘記於心。