「點解?」口痕友問我「肯定怕比老婆鬧啦!」
「你以為啦。」我回答道。
在此刻,段段往事湧現在我的腦海。唔好講咁多,去片~~~~
2000年夏天,一向捧英格蘭的我在歐洲國家盃開波前,興致勃勃地走去睇波衫。最後,我都係買英格蘭啦!
英格蘭在當屆嘅表現,好似被咀咒一樣,第一場對葡萄牙領先兩粒都可比人連追三粒。以為第二場都嬴到德國有運行啦,點知第三場打和都可出線嘅情況下,終於輸埋比羅馬尼亞,‘光榮’出局。
2002年夏天,四年一度嘅世界盃又嚟啦!!!我竟然又走去買波衫,在一次機緣巧合的情況下,在三間牌專門店花咗六舊水買咗件法國落場版,我好鍾意,仍然覺得好值。此時的我一點也沒有覺得有何不妥....
最後法國隊嘅命運係點,唔駛我多講大家都知。
經過呢兩段咁深刻難忘嘅經歷,再加上燈神黃興貴嘅出現,比到我一D啟示,我應該買對家 !!!唔鍾意邊隊就買邊隊~~~正!
但因成本所限,最後比我嘅財政大臣否決咗。
荷蘭隊,我直至呢一刻都唔敢買你地件衫,明點解啦。