兩條傻佬的啟示


8月2日晚,在紅館看罷軟硬Show後,感覺回味無窮,渡過了愉快的一夜。他倆分開發展實在太久了,令人期待非常。當知道軟硬舉行演唱會,二話不說立即「撲飛」大行動。正所謂在家靠父母,出外靠朋友;多得同事K,總算把飛撲到。

還記得軟硬說過的一段說話,意思大概是這樣的:『當做咗幾年老人院幾年後,我地兩個見親面都係為節目度橋,乜都係個節目度講哂.仲有乜說話同對方講呀!!!有嘅都係一句bye咁大把。』

睇番佢地首新歌Long Time No See部份歌詞:

Long time no see 終於再見
你有冇再咁天真揸筆寫信件 想想當天到今天再遇見
我氹你氹我笑聲走咗去邊 有冇見過有對愛侶永冇收線
有冇見過有個派對永遠冇終點 有冇見過有對拍檔一起廿年

『有冇見過有對拍檔一起廿年』試問一對拍擋有幾合拍;火花擦得有幾燦爛,相處好一段日子後,火花也有熄滅的時候。到那時,他們不悶,Fans們亦會有看厭的一天。今天大家看得高興,全因軟硬分開實在太久,全世界抱著期待的心等這個Show的來臨。好拍擋須要的只是一剎那的精彩,不在乎是否長久。我終於明白為何不論本地與外國也好,那些樂隊組合的聚散離合,總是沒停沒了!!

夫妻相處,又會是這樣嗎?又可以嗎?當然是兩回事,這是不必爭議的事情。兩夫妻相處,就像沖杯靚茶般,要慢慢品嚐,樂趣自在其中。每人情況可真不同,不能一大概而論。要點做??自己領會吧!冇人可以教到你呢!!!


No comments:

Post a Comment