某天下午三時許大老闆的來電，差點忘記應承了星期二跟他看電影。掛線後不得不以極速寬頻上網的速度完成手上的工作便離開公司了。
趕頭趕命的我接過大老闆後，便往戲院買票去。當那位笑容可掬的售票小姐告訴我，《反斗車王》最早那場在７時１５分！！簡直晴天霹靂，大熱天時，汗流成「河」，早知唔駛咁趕啦！！冇問題，父愛都一樣係咁偉大嘅。
大老闆因為英文唔明又追唔到字幕，而我係因為軟硬有份佩音，所以我地選擇睇嘅係廣東話版。每一套廸士尼動畫都有佢想講嘅東西。Ｄ美國佬唔會咁Ｈａｒｄ Ｓｅｌｌ，佢地唔會咁直接，間接地兜幾個圈，將要講嘅潛移默化入觀眾嘅內心。
故事係講一個車的世界，所有角色人都係車，佢地識講、識笑、自己曉行曉走。當中主角車王麥坤是位車壇新貴，雖天才撗溢，但為「車」驕傲，自以為是，無「車」喜與他合作。主角始終是主角，遇上了挫折，得到啟發後總可重新振作，大團圓結局。給小朋友看的電影總會是這樣的模式，簡單易明。大人看了也可童真一番，何樂而不為！！
導演：尊賴斯達 John Lasseter
英語配音：保羅紐曼 Paul Newman，奧雲韋遜 Owen Wilson，卓治馬連 Cheech Marin，邦尼亨特 Bonnie Hunt
粵語配音：葛民輝 Eric Kot，林海峰 Jan Lamb，林嘉欣 Karena Lam
官方網址：http://www.disney.com.hk/cars/
No comments:
Post a Comment