曼聯主場迎戰保頓的一場英超聯比賽當日，筆者又忍不住穿上那件新購入的曼聯球衣。
但早上的煙友聚會中，利記迷提起了波衫咀咒定律。
說真的，若不是他提醒，筆者也許真的忘記此事，我更不會在開賽前有少許擔心。不過，我的擔心只是多餘，不消半場己領先３比０。正～～～
只有天才曉得這個咀咒是否解除，但筆者強烈感覺到奪取０６－０７英超冠軍之路不遠了。
只是餘下八場賽事，努力吧！！
（圖片來源：www.store.manutd.com)
波衫咀咒，解除？！？！
曼聯主場迎戰保頓的一場英超聯比賽當日，筆者又忍不住穿上那件新購入的曼聯球衣。
但早上的煙友聚會中，利記迷提起了波衫咀咒定律。
說真的，若不是他提醒，筆者也許真的忘記此事，我更不會在開賽前有少許擔心。不過，我的擔心只是多餘，不消半場己領先３比０。正～～～
只有天才曉得這個咀咒是否解除，但筆者強烈感覺到奪取０６－０７英超冠軍之路不遠了。
只是餘下八場賽事，努力吧！！
大老闆的ＩＱ題
大老闆今天問：「問你一條ＩＱ題呀，你知唔知皇后似乜呀？」
「．．．．．」我毫無頭號，再問：「似Ｄ乜呀？？係咪講緊英女皇呀？」
「係皇后呀！」老闆答道。
我心想：「呢Ｄ就係提示！！」此時，滿城盡帶黃金甲嘅鞏俐在我腦海中一閃即逝。（筆者按：鞏俐在戲中「突出」嘅造型實在太深入民心了。」
大老闆又說道：「似Ｄ乜呀？似個廣場呀！！」
我彷然大悟：「皇后像廣場！！」
他續說：「無錯！」
「．．．．．．」
我活到這把年紀，今日先知道皇‧后‧很‧像‧個‧廣‧場！！
吹脹～～～～～～
(圖片來源：http://wikipedia.org/）
Photo Album: Blue House
早陣子興之所至，從九龍這邊跑到灣仔找籃屋拍照。籃屋有甚麼特別？就是它的籃，它的舊，令我隻身來到石水渠街72號。
有關資料：
http://www.hkhs.com/preservation/ch/#01
http://www.lcsd.gov.hk/CE/Museum/Monument/yfoh/b5/bluehouse.php
Blue House
慘！綠色怪獸又殺到～～～
講真，呢隻來自日本嘅綠色怪獸，
如果唔係深得大老闆歡心，
睇怕我都唔會比佢侵襲我屋企。
無計，鬼叫佢係老闆！！
呢盒嘢，點解又會出現係我間屋呢？
當日，我地去到一處極危險嘅地方，
但呢處又會令所有老闆都樂而忘返，
一不留神，就會令我呢類人嘅銀包，
唔覺唔覺咁乾硬化！
簡單Ｄ講，嗰度就係鼎鼎大名嘅～～
“美國冒險樂園”
其實我都幾鍾意呢盒模型，
大大盒不特止，仲有主角Keroro啦，
同其餘嗰幾隻唔知乜名打乜名嘅物體。
不過，財政大臣落咗Order,
依家唔比搞盒嘢住！
Haha.....有人慘啦！！！
有得睇，冇得食～～～
稻鄉人類飲食博物館 （PS:並唔係廣告)
近排，佢都有提過吓參觀過乜乜飲食博物館。吓！？！？乜原來香港地都有Ｄ咁嘅地方！真係唔知，咁順勢問問呢問嘢係邊區，大老闆竟然答句：「唔知呀？」吹脹～～～
當時又醒唔起可以用呢個世界上其中一樣偉大發明，就係“Ｙａｈｏｏ搜尋器”，如果唔係咁，都唔會有以下呢件生活小小小事件發生。對話內容唔係點完全記得，大致如下：
話說琴晚開餐之時，我呢位大老闆抽起條筋，竟然學人想据扒！原本與那班惜日同係有生日飯局的，但係呢兩個禮拜都要ＯＴ，見佢嘅時間都唔多都，何況同條友仔同台食飯！冇計啦，唯有遲Ｄ先入去啦，Ｃｈｅａｐ Ｃｈｅａｐ地食一餐應酬吓啦。
食食吓，佢又提起：「上次去飲食博物館，都有教點樣揸刀叉。」
「咁嗰間嘢係邊度ｇａ？」可能我真係好想知呢間嘢係邊，所以又問。
「咁番到屋企先話比你知啦～～～」
「你又整蠱我！！！點解一定要返到屋企先講？」我咁答。
「唔係呀！我返到屋企攞番張嘢比你睇呀～～～」大老闆串串地咁講。
咁我隨口回道：「你搵到之後，就放係餐台面，等我今晚留嚟睇啦！」
「Ｏｋａｙ！」
正 當外出玩完一輪後，大門一開，發覺台面果然放咗張紙Ｗｏ～～～立即拎嚟超超，果然係大老闆之前所講嘅資料。心裡即時暗喜，夜媽媽都要拎番部封咗塵嘅 Ｓｃａｎｎｅｒ出嚟，為咗呢個Ｐｏｓｔ作準備（筆者按：其實當時巴塞ｖｓ皇馬場波仲未開波，見有ｄ時間．．．﹞有時開心係唔需要咩理由，只要你心目中嘅 ＶＩＰ為你做小小嘢，就已經足夠。當然，拎番部封塵Ｓｃａｎｎｅｒ出嚟，就梗係Ｓｈａｒｅ大老闆比我嘅嘢啦！
Hello! May I Put Money in Your Pocket Again?
今天，是加菲最後在「日遊夜遊」活動日。總括來說，與加菲相交不算太深，但應該又不算泛泛之交吧！
加菲初來報到之時，還記得筆者亦有份作熱情款待，將在「日遊夜遊」的開飯技能傾囊相授，說句「put so much money in this guy's pocket 」亦不為過份。 可幸，這份心機沒有白費，獲得當時人的肯定，筆者終可放下心頭大石。始終，「自己做」與「教人做」畢竟是倆回事。
傳聞中，加菲原來是在惡人谷出生，出名火爆及ＥＱ一向不高更譽滿全球，周遭的人無一不因此敬而遠之（包括筆者在內﹞。令人敬而遠之還算好，不想看見的衝突場面，卻無人無之，情況就像當年美軍攻打伊拉克一樣激烈。
其實走了又如何，離開與逃避沒分別，問題一樣還在！不想通問題的根源，永遠只是井底之蛙。算吧！忠言永遠逆耳，給惡人痛罵一頓不算大不了，最怕當時人面子為重，死不悔改！！
２００７“揸兜”馬拉松
再一次參加“揸兜”馬拉松，很明顯，成績退步了。與去年第一次參加相比，的確懶散了、的確重磅了，的確鬥心減退了。唯一可取的，是繼續堅持自己一貫作風，由起點直至終點，即使疲憊不堪，亦未停下來多待一回。
２００８，亦會捲土重來，不會繼續懶散、不會繼續重磅、不會使戰鬥繼續減退。這是我在今天所開的期票，大家看看可否兌現吧！
《傷城》看後感
《傷城》在去年聖誕檔期在戲院公映時，可惜給筆者錯過了。直到這個農曆年假期，終等到片商推出ＤＶＤ才有機會欣賞。畢竟財政大已進化為不喜歡花錢進戲院的生物。
不知是本片本身節奏有點過慢，還是那些配樂的問題，總是令筆昏昏欲睡。再者，整個故事還是有頗多漏洞、眾演員演得未算出眾，不過此片還是有其可取之處。
在大城市裡，相信每個人或多或小都會遇著被傷害的事情，而片中倆位主角－梁朝偉及金城武在片中分別遇上了沉重打擊。不同的，是他們往後的日子用什麼態度去面對。相信導演與編劇就是要將這訊息表達出來。
梁朝偉今次不像以往，他今次演的是反派。戲中年幼的他，親眼目睹全家被害，更求助無門。長大後誓要以牙還牙，將以往的痛苦一一奉還。就是這個動機，最後卻令悲劇加深，傷害更大。
相反，本是傷心不已的金城武，因懷孕的女友自殺而放棄當警察，繼而變成終日與酒為伍的私家偵探。但後來因追查劇中一案中，發現梁乃真兇及其的身世，由友好變成敵人。經歷過種種，最後看透一切，拾回正面可取的人生。
正因為此片的主旨，令《傷城》挽回不少分數，否則只是普普通通的大制作。
監制：劉偉強、張達康
導演：劉偉強、麥兆輝
編劇：莊文強、麥兆輝
演員：梁朝偉、金城武、舒淇、徐靜蕾、杜汶澤
官方網址：http://www.confessionofpain.com/
有趣打賭
三個球迷聚在一起，一個捧曼聯、另一個捧利物浦、最後一個捧阿仙奴。他們言談間作一個賭注。
事源利曼大戰將近，利迷對著曼迷口痕道：「不如輸賭這場比賽，輸的一方請客吧！」
說了出口，發覺不對勁，改口道：「不好，愛隊輸了已不好受，還要請客？」
「那麼改由勝方付費吧！」曼迷靈機一觸，搶著回答。
利迷又答道：「往後日子，只要其中兩隊在比賽中對碰，就進行這打賭也不錯。當然，剩下的一方亦可參與其中，不論誰勝誰負，亦有飯吃。」
在一旁的阿迷為此安排並無反對，也許心裡為之暗喜。可冷眼旁觀之餘，亦可白吃一頓，何樂而不為！
「打和什辦？不如由你請客都不錯。三人都參與其中，睇波亦份外過癮。」曼迷心水倒清，對著阿迷說道。
被硬生生拖下水，阿迷雖覺主意不錯，卻無法推卻，只好當場答允。
就是這樣，曼迷與利迷爭著請客；而阿迷就為相方能夠分出勝負而打氣．．．
Subscribe to:
Posts (Atom)