2006工傷盃第二戰
本應是和局收場，可惜也以一球飲恨，實在無話可說。連敗兩仗，已肯定無緣出線。
「扭扭樂」最近兩場一改以往「扭死波」的作風，作多次有效傳送，並在一次個人突破中，在右邊交出一記全場最有威脅的邊線出波。「最大進步球員」已在無人看管之下，在後柱位置準備接應傳球，可惜皮球偏偏在他雙腳之間漏出底線。這是己隊的黃金機會，雖浪費了實在教人心痛。想深一層，若果是起初的「最大進步球員」肯定不會懂得在這位置出現。也許「扭扭樂」那記傳球只會白白地送往底線，連攻門也談不上。
足球比賽中，這刻你把握不到機會，下一刻就可能會陪上教訓。請恕我在場中脾氣暴躁，我們不是表現差勁，只是偶爾犯下一些低級錯誤。就是這些低級錯誤就令全場的努力白費。我不是想埋怨任何人，我只是不甘心如此輸掉罷了！！
2006工傷盃第一戰
「工傷盃」分組賽展開了，第一場賽事亦昨天（１０月７日）完成，輸了１：３。可悲的是第二球是直接與我有關的，可喜的是己隊打出了這年的代表作。
在人腳有限的情況下，本想打後備的我也要正選上陣。下半場對手作了幾個調動，將比賽節奏加快，再加上體能是我的最大敵人，直接令己隊輸波真的責任我實推不掉。算吧！最重要大家有好表現，下場再來吧。
嘉麟樓月餅
「工傷杯」的煩惱
「日遊夜遊足球隊」今年再次參加「工傷杯」，而今日終於收到賽會嘅賽程表。細看之下，１０月７日打第一場分組賽，初時都唔為意，唸唸吓先知原來下星期就係！真係比佢比佢嚇咗一嚇。因為咁，我就急不及待走均大半間公司地通知各隊友！
五點後，依舊到後梯找「萬先生」時，撞到高洛治及星神，佢倆個同我一樣，都係後梯嘅ＶＩＰ。今日嘅話題，當然離不開「工傷杯」啦。講講吓，總會講到排陣呢個話題，正確Ｄ講，係難題。對我呢個常務打雜嚟講，最近的確惡搞。不是我不懂排（筆者按：其實可能真係唔識！），而係根本就係幾難排！原因很簡單－－－人材流失。由年頭中場大腦「望警署的人」開始、「ＰＬ」、「火爆人」及「鄧金」的相繼離去，新加入的，又要安排一個合適嘅位置比佢，安排一個合適嘅位置當然亦要花時間花心機。一時間「日遊夜遊足球隊」要再次調整。點調整？我鬼知！真的令人唸爆頭。
Hong Kong Wetland Department Store!?!?
大老闆成日話想去天死圍新開嗰個「濕地百貨」走番轉，再加上財政大臣亦話冇問題喎。
唔好奇怪，你冇睇錯，我亦冇寫錯！總之真係「濕地百貨」！！如果多Ｄ「自由含」，仲可以再改做「濕地國貨」！！嗰度嘅人流好比比年宵市場，熱鬧嘅程度好比銅鑼灣 SOGO！冇計，香港人係「新屎坑三日香」呢句說話認真冇錯。
↓唔好以為呢真係濕地公園，其實正確名稱係「濕地百貨」
其實，我地呢Ｄ唔好花草又唔好樹木嘅人來講，除咗影相同陪大老闆之外，呢間「百貨公司」係冇乜好行嘅。冇計！悶到抽筋咁都要去啦。
↓唔信！有相為証！呢條係紅葉林浮橋，多人到好比旺角彌敦道。
短短兩小時多，已可走遍整個「濕地百貨」，結論都係一樣：「新屎坑三日香」餘，
更從現場其中一句標語，發覺中國人真係視呢Ｄ嘢如無物。咩標語？望吓下面咪知囉。
歐偉倫當年的單刀撗傳
雖然係好耐之前嘅片段，一個偶然的機會，比我在網上搵到，就Share比大家睇啦！！！
片段中香港隊（紅衫）前鋒歐偉倫在禁區頂接應隊友交波，在無人看管的情況下，他竟選擇將皮球撗傳於左方隊友，而不是帶著皮球直入禁區，仞己隊錯失大好入波良機，史稱單刀撗傳也。
片段中香港隊（紅衫）前鋒歐偉倫在禁區頂接應隊友交波，在無人看管的情況下，他竟選擇將皮球撗傳於左方隊友，而不是帶著皮球直入禁區，仞己隊錯失大好入波良機，史稱單刀撗傳也。
不經不覺唔多覺
不經不覺，貝隆夫人遠赴「米字國」也一年有多了，個多月後就是她回歸的大日子。全家上上下下等待這天來臨，相信也很久了，特別係望穿秋水的老媽，即使佢把口話唔係都冇人信，相信這年來佢條頸也長了兩吋呢！！
其實，我很羨慕她，羨慕她可以賽現夢想，羨慕她可親身到達奧脫福聖城，更羨慕她為交學費而找Part Time 及羨慕她冇餐好食．．．．．當然最相信她看畢此文後肯定唔會幫我買曼聯信！！
二奶進修班
呢個題目好似唔係一個可以公開地放上網嘅題目！？！？！
「好呀！無所謂啦。」我梗係制啦！我包起呢個Ｃ字牌頸嘅二奶，大大話話都有大半年之久，一直苦無機會去唸點樣去「摸索」佢，今次有機會了，正！
某天午飯時段，朋友Ｓ來電。佢問咗一個問題：「喂！你試過同我同班嗎？」
「未！！」我好肯定咁回答。
「咁依家比個機會妳同我做同班同學啦！我揾到個操控二奶進修班呀，有冇興趣呀？」佢得戚地講。
「好呀！無所謂啦。」我梗係制啦！我包起呢個Ｃ字牌頸嘅二奶，大大話話都有大半年之久，一直苦無機會去唸點樣去「摸索」佢，今次有機會了，正！
今日，係報名嘅日子，撞正同事Ｅ亦都肯齊齊學吓呢味嘢，再加上朋友Ｓ嘅同事，一行四人就咁成團。
不過剛醒起開課當日正正係貝隆夫人回歸之日，睇怕Ｄ時間有就！
慘！！
慘！！
我這個二奶，雖不算什麼頂級正貨，但以我呢個二奶入門友來講，已算有多「花式」玩了，呀！唔係「花式」應該係「功能」。點都好，財政大臣又被打入冷宮睇怕事在必行！！
朝聖~~~向我們的聖城進發！！
往聖城朝聖是我的願望，我亦隨時隨地計劃著行程，可惜萬事接近俱備，就是只欠＄＄，這願望或許係一個遙不可及，但有志者事竟成，誰說不可實現！
近日與同事Y談起，發覺他亦跟我原來有著同一個願望，我有想過與佢同行，但係我同佢想朝拜嘅目標都唔同，他要去的是「晏菲路聖城」，而我當然要去「奧脫福聖城」。教派不同，這方案可行嗎？
再細想，倆城其實相隔很近，再加上小弟尚未出爐嘅超級周密行程，我保證此行絕對賞心！！！
但我地真係去先再講啦，唔煲無米粥啦～～～
過山車
突然間想起過山車。還記得第一座海洋公園的過山車在中學時代，正確是哪一年則記不起了！
估不到剛過去的一星期，是整個星期，和座過山車沒有兩樣。周遭所發生的事有喜有悲，喜的令你覺得像是駛向高點；悲的會使你從高處衝下來；有時更覺三百六十度旋轉似的。
太剌激了，看來我受不了。我喜歡的是遊樂場內的過出車，而不是人生過出車。我可以選擇放棄不玩嗎？當然可以，雙腳一伸的時候吧！！
Subscribe to:
Posts (Atom)